మహాదేవుడైన శివపరమాత్మ పూజకు ఉపయోగపడే తన వివిధ నామములను ఇలా తెలిపాడు . " ఓ ద్విజోత్తమా ! గౌతమా ! నీవు అడిగిన నా నామములను వినుము . ఇవి అల్పమైన పుణ్యము చేసినవారికి లభించేవి కావు. అన్ని కోరికలు తీర్చేవి . కాబట్టి వీనిని శ్రద్ధతో కంఠస్థము చేయుము .

1 )శోణాద్రీశుడు 2 ) అరుణాద్రీశుడు 3 ) దేవాధీశుడు 4 ) జన ప్రియుడు 5) ప్రపన్న రక్షకుడు 6 ) ధీరుడు 7 ) శివుడు 8 ) సేవకవర్తకుడు 9 )అక్షిపేయామృతేశానుడు 10 ) స్త్రీపుంభావ ప్రదాయకుడు 11 ) భక్తవిజ్ఞప్తి సందాత 12 ) దీనబంధ విమోచకుడు 13 ) ముఖరాంఘిపతి 14 ) శ్రీమంతుడుడు 15 ) మృడుడు 16 ) మృగమదేశ్వరుడు 17 ) భక్త ప్రేక్షణకృత్ 18 ) సాక్షి 19 ) భక్త దోషనివర్తకుడు 20 ) జ్ఞానసంబంధనాథుడు 21 ) శ్రీహాలాహల సుందరుడు 22 ) ఆహవైశ్వర్యదాత 23 ) స్మర్త్యసర్వాఘనాశకుడు 24 ) వ్యత్యస్త నృత్యధ్వజధృక్ 25 ) సకాంతి 26 ) నటనేశ్వరుడు 27 ) సామప్రియుడు 28 ) కలిధ్వంసి 29 ) వేదమూర్తి 30 ) నిరంజనుడు 31 ) జగన్నాథుడు 32 ) మహాదేవుడు 33 ) త్రినేత్రుడు 34 ) త్రిపురాంతకుడు 35 ) భక్తాపరాధ సోడుడు 36 ) యోగీశుడు 37 ) భోగ నాయకుడు 38 ) బాలమూర్తి 39 ) క్షమారూపి 40 ) ధర్మరక్షకుడు 41 ) వృషధ్వజుడు 42 ) హరుడు 43 ) గిరీశ్వరుడు 44 ) భర్గుడు 45 ) చంద్రశేఖరావతంసకుడు 46 ) స్మరాంతకుడు 47 ) అంధకరిపుడు 48 ) సిద్ధరాజు 49 ) దిగంబరుడు 50 ) ఆరామప్రియుడు 51 ) ఈశానుడు 52 ) భస్మరుద్రాక్షలాంఛనుడు 53 ) శ్రీపతి 54 ) శంకరుడు 55 ) స్రష్ట 56 ) సర్వవిఘ్నేశ్వరుడు 57 ) అనఘుడు 58 ) గంగాధరుడు 59 ) క్రతుధ్వంసి 60 ) విమలుడు 61 ) నాగభూషణుడు 62 ) అరుణుడు 63 ) బహురూపుడు 64 ) విరూపాక్షుడు 65 ) అక్షరాకృతి 66 ) అనాది 67 ) అంతరహితుడు 68 ) శివకాముడు 69 ) స్వయంప్రభువు70 ) సచ్చిదానంద రూపుడు 71 ) సర్వాత్మ 72 ) జీవధారకుడు 73 ) స్త్రీ సంగవామసుభగుడు 74 ) విధి 75 ) విహిత సుందరుడు 76 ) జ్ఞానప్రదుడు 77 ) ముక్తిదాత 78 ) భక్తవాంఛితదాయకుడు 79 ) ఆశ్చర్యవైభవుడు 80 ) కామీ 81 ) నిరవద్యుడు 82 ) నిధి ప్రదుడు 83 ) శూలి 84 ) పశుపతి 85 ) శంభుడు 86 ) స్వయంభువుడు 87 ) గిరీశుడు 88 ) మృడుడు .
     ఇవి నా ముఖ్యమైన నామములు . పురాణాలలో చెప్పబడిన ఇతర నామములను కూడా స్మరింపుము . నాకు ప్రదక్షిణము చేస్తూ ఇంకా విశేషముగా నన్ను అర్చింపుము . శోణాద్రీశుడైన నేను విశేషముగా ప్రదక్షిణ ప్రియుడను కదా ! " అని శివుడు ఆజ్ఞాపింపగా , నేను అరుణాద్రిని విడువక ఇక్కడే నివసిస్తున్నాను " అని గౌతముడు వివరించాడు .