*గ్రహణం (సూర్య లేదా చంద్ర గ్రహణం) సమయంలో, విశ్వశక్తులు చాలా అస్థిరంగా ఉంటాయి. ఈ సమయంలో రాజస మరియు తామస శక్తులు విజృంభిస్తాయి. అందుకే దేవాలయాలను మూసివేస్తారు. అయితే, ఇదే సమయం మంత్ర సాధన చేసేవారికి అత్యంత శ్రేయస్కరం. ఈ సమయంలో చేసిన జపం, తక్కువ సమయంలోనే ఎక్కువ ఫలితాన్ని ఇస్తుందని నమ్ముతారు.
*గ్రహణ సమయంలో జపించిన మంత్రం శీఘ్రసిద్ధిని మరియు ఉత్తమ ఫలితాన్ని ఇస్తుంది.*
*సంఖ్యతో పనిలేదు:-
గ్రహణ కాలంలో జపించిన సంఖ్యతో సంబంధం లేకుండా, అది లక్ష జపంతో సమానమని నమ్ముతారు. ఇది సాధకులకు గొప్ప వరం.*
*గ్రహణ పురశ్చర్య విధానం.....*
*ఇక్కడ చెప్పిన విధానం శాస్త్ర ప్రకారం ఉంది మరియు చాలా ముఖ్యమైనది.*
*స్థానం:-* -------------------------------------- *నది, సముద్ర తీరం వద్ద లేదా ఇంట్లో జపం చేయవచ్చు.*
-------------------------------------
*శుద్ధి:-* --------------------------------------- *జపం ప్రారంభించడానికి ముందు ఆచమనం మరియు ప్రాణాయామం చేయాలి.*
--------------------------------------
*సంకల్పం:-* --------------------------------------- *జపం ప్రారంభించే ముందు సంకల్పం చెప్పుకోవాలి. సంకల్పం అనేది ఒక నిర్దిష్టమైన ప్రయోజనం కోసం చేసే కర్మను ప్రారంభించడానికి తీసుకునే నిర్ణయం.*
--------------------------------------
*గ్రహణం రాకముందు సిద్ధత....*
--------------------------------------- *1)ముందుగా శరీరం శుద్ధి కోసం స్నానం చెయ్యాలి.*
*2)పూజా స్థలం లేదా నది/సముద్ర తీరంలో కూర్చునే స్థలం సిద్ధం చేసుకోవాలి.*
*3)దర్భాసనం లేదా శుభ్రమైన వస్త్రాసనం వేసుకోవాలి.*
*4)జపానికి కావలసిన మాల, దివ్యచిత్రం/దేవతా విగ్రహం, నీటి పాత్ర సిద్ధం చేసుకోవాలి*
----------------------------------------
*(గ్రహణం ప్రారంభం (పట్టు క్షణం).......*
*1)ఆచమనం – మూడు సార్లు నీళ్లు త్రాగాలి*
*2)ప్రాణాయామం – మనసు కేంద్రీకరించుకోవాలి*
*3)సంకల్పం చదవాలి (మీ గోత్రం, పేరు, దేవత పేరు ఉంచాలి):......*
----------------------------------------
*మమోపాత్త సమస్త దురితక్షయ ద్వారా* *శ్రీ _____ పరదేవతా ముద్దిస్య*
*శ్రీ _____ పరదేవతా ప్రీత్యర్థం*
*_____ గోత్రోద్భవస్య, _____ నామధేయస్య*
*అహం, పవిత్ర _____ గ్రహణకాలే*
*స్పర్శాది మోక్షపర్యంతం*
*శ్రీ _____ మంత్ర జపం కరిష్యే*
---------------------------------------
*జపం:-* --------------------------------------- *(గ్రహణ సమయం మొత్తం).........*
*ఒకే మంత్రాన్ని నిరంతరం జపించాలి.*
*సంఖ్య అవసరం లేదు.* *సమయమంతా జపం చేస్తే అది లక్ష జపంతో సమానం.*
*మంత్రం భక్తితో, శ్రద్ధతో, ఎలాంటి అంతరాయం లేకుండా జరగాలి.*
--------------------------------------
*గ్రహణం విడుపు (ముగిసిన తరువాత)........*
*1)జపం ముగిసిన వెంటనే మళ్లీ స్నానం చేయాలి*
*2)స్నానం తరువాత మళ్లీ ఆచమనం (మూడు సార్లు నీరు త్రాగాలి)*
*3)జప సమర్పణ మంత్రం చదవాలి:....*
--------------------------------------
*అనేన మయాకృతేన శ్రీ* *_____ పరదేవతా మంత్రజపేన*
*శ్రీ _____ పరదేవతా సుప్రీతా సుప్రసన్నా వరదా భవతు.*
*శ్రీ _____ పరదేవతా సంపూర్ణ అనుగ్రహ కటాక్ష సిద్ధ్యర్ధం*
*ఏతత్ జపఫలం శ్రీ _____ పరదేవతా* *చరణారవిందార్పణమస్తు.------------------------------*
*తత్సత్ బ్రహ్మార్పణమస్తు.*
---------------------------------------
*4)చేతిలో నీళ్లు తీసుకుని పళ్ళెంలో విడదల చేసి,. ఆ నీటిని మూడు సార్లు తీర్థంగా త్రాగాలి.*
----------------------------------------
*గ్రహణం తరువాతి దినచర్య..........*
*గ్రహణం జరిగిన తరువాత రోజు లేదా శుభదినం:*
*10,000 హోమం*
*1,000 తర్పణం*
*100 మార్జనం / అభిషేకం*
*10 మంది బ్రాహ్మణ భోజనం చేయడం వల్ల పురశ్చరణ సంపూర్ణమవుతుంది.*
-------------------------------------
*ముఖ్యాంశం........*
--------------------------------------- *గ్రహణ సమయంలో చేసే జపం = 1 లక్ష జపం.*
*హోమాది ఇతర కర్మలు తరువాత తప్పక చేయాలి.*
*ఈ సమయం మహాసిద్ధి కలిగించే అద్భుతమైన యోగక్షేమ సమయం.*
--------------------------------------- *జాగ్రత్తలు........*
--------------------------------------- *ఈ సాధన ఒక సాధారణ భక్తుడికి కాకుండా, తాంత్రిక మరియు మంత్ర సాధకులు తమ సాధనను ఉన్నత స్థాయికి తీసుకువెళ్లడానికి ఉపయోగపడుతుంది. ఈ విధానం చాలా శక్తివంతమైనది కాబట్టి, దీన్ని సరైన గురువు పర్యవేక్షణలో చేయడం శ్రేయస్కరం. ఈ సమాచారం ఆధ్యాత్మిక సాధకులకు ఎంతో ఉపయోగకరంగా ఉంటుంది.* --------------------------------------- *2025 సెప్టెంబర్ 7 చంద్రగ్రహణం గురించి పూర్తి వివరణను ఇక్కడ సమగ్రంగా............!!*
----------------------------------------
*చంద్ర గ్రహణ విశేషాలు.......*
---------------------------------------- *తేదీ: 2025 సెప్టెంబర్ 7, ఆదివారం*
*తిథి: భాద్రపద పౌర్ణమి*
*నక్షత్రం: శతభిషము,* *పూర్వాభాద్ర*
*రాశి: కుంభరాశి*
*గ్రహణం రకం రాహుగ్రస్త సంపూర్ణ చంద్రగ్రహణం*
*భారతదేశం మొత్తం గ్రహణం స్పష్టంగా కనబడుతుంది*
---------------------------------------
*గ్రహణ కాలమానం........*
----------------------------------------
*స్పర్శ (ప్రారంభం): రాత్రి 9:57*
----------------------------------------
*సంపూర్ణ గ్రహణ ప్రారంభం: రాత్రి 11:00*
--------------------------------------
*మధ్యకాలం: రాత్రి 11:41*
---------------------------------------
*విడుపు ప్రారంభం: రాత్రి 12:22 (8వ తేదీ)*
--------------------------------------
*ముగింపు: ఉదయం 1:26 (8వ తేదీ)*
----------------------------------------
*పుణ్యకాలం: 3 గంటలు 29 నిమిషాలు*
*సంపూర్ణ బింబ దర్శనం: 1 గంట 22 నిమిషాలు*
----------------------------------------
*రాశులపై ప్రభావం.......*
*ప్రతికూల ప్రభావం కలిగే రాశులు:......*
*వృషభ, మిథున, సింహ, కన్య, తుల, మకర, కుంభ, మీన వీరు మహాశివారాధన చేయడం, ఉపవాసం, జపం చేయడం మంచిది.*
*ప్రత్యేకంగా ఈ మంత్రం జపం చేయడం శ్రేయస్కరం:*
*"ఓం నమః శివాయ" (అనేక జన్మల పాప పరిహారానికి శక్తివంతమైనది).*
----------------------------------------
*దోషం లేకుండా బాగున్న రాశులు:.....*
*మేష, కర్కాటక, వృశ్చిక, ధనుస్సు*
*వీరికి ఎలాంటి ప్రతికూల ప్రభావం ఉండదు.*
--------------------------------------
*ఆలయ విధానం......*
----------------------------------------
*గ్రహణానికి ముందు: సెప్టెంబర్ 7న మధ్యాహ్నం 12 గంటల లోపు దేవాలయాల్లో నివేదనలు సమర్పించి, ఆలయ ద్వారాలు మూయాలి.*
----------------------------------------
*గ్రహణం తరువాత: సెప్టెంబర్ 8 ఉదయం గణపతి పూజ, పుణ్యాహవచనం, పంచగవ్య సంస్కారం చేసి, విగ్రహాలకు అభిషేకం చేయాలి.*
------------------------------------
*ఆచారాలు (గ్రహణ దినం).....*
--------------------------------------
*తద్దినాలు పెట్టుకోవాలనుకునే వారు మధ్యాహ్నం 1:20 లోపు పెట్టుకోవాలి.*
----------------------------------------
*గ్రహణ కాలంలో ఉపవాసం, మంత్రజపం, దానధర్మాలు చేయాలి.*
----------------------------------------
*గర్భిణీ స్త్రీలు, పిల్లలు జాగ్రత్తలు పాటించాలి (కత్తెర, సూది పనులు చేయరాదు, బయటకు వెళ్లరాదు)*
--------------------------------------
*మొత్తానికి, 2025 సెప్టెంబర్ 7 చంద్రగ్రహణం భారతదేశంలో పూర్తిగా దర్శనమయ్యే అరుదైన గ్రహణం, ఇది కొందరికి ఆధ్యాత్మిక పరంగా శ్రేయస్కరమైతే, కొందరికి శాంతి జపాలు అవసరం.* ---------------------------------------- *చంద్రగ్రహణం వివరణ*
--------------------------------------
*ఈ ఏడాది శ్రీ విశ్వావసు నామ సంవత్సరము* -------------------------------------- *దక్షిణాయనము-భాద్రపద- శుక్ల-పూర్ణిమ-ఆదివారము తేది 07-09-2025 రోజున పూర్వప్రోష్ఠపదా-నక్షత్రయుక్త రాహుగ్రస్తం, సోమోపరాగం, పింగళవర్ణం, అపసవ్యగ్రహణం తూర్పు ఈశాన్యములో స్పర్శ, తూర్పు ఆగ్నేయములో నిమీలనము, దక్షిణనైఋతిలో ఉన్మీలనము, పశ్చిమనైరుతిన మోక్షము ముగింపు కలుగును. ఈసారి చంద్రగ్రహణం ప్రత్యేకమైనది. ఈ సంపూర్ణ చంద్రగ్రహణం భారతదేశమంతటా కన్పిస్తుంది. ఈ సమయంలో, చంద్రుడిని బ్లడ్ మూన్ అని పిలుస్తారు, ఎందుకంటే ఈ రోజున చంద్రుడి రంగు ఎరుపు రంగులోకి మారుతాడు.*
---------------------------------------
*ఎక్కడెక్కడ చంద్ర గ్రహణం కనపడుతుంది?*
--------------------------------------- *ఈ చంద్రగ్రహణం భారతదేశమంతా కనిపించును. మన దేశంతో పాటు ఆసియా, ఆస్ట్రేలియా, న్యూజిలాండ్, అమెరికాలోని పలు ప్రాంతాల్లో ఈ చంద్ర గ్రహణాన్ని చూడవచ్చు. అదేవిధముగా మయన్మార్, చైనా, దక్షిణాఫ్రికా, బ్యాంకాక్, జర్మని, రష్యా, దక్షిణకొరియా, ఇటలి, సింగపూర్, జపాన్, లండన్ ప్రాంతాలలో కనిపించును. సాయంత్రం చంద్ర గ్రహణం ఏర్పడటం వల్ల ఈ రోజున పితృదేవతల పనులకు ఎలాంటి ఆటంకం ఉండదు. సూతక కాలం మధ్యాహ్నం నుండి ప్రారంభమవుతుంది, కాబట్టి పితృ పక్షం పనిని ముందుగానే పూర్తి చేయాలి.*
--------------------------------------
*గ్రహణసమయం*
-------------------------------------- *ఆగ్నేయ స్పర్శ రాత్రి 9-57,నిమీలకాలము రాత్రి11-00, మధ్యకాలము* *రాత్రి 11-41* *ఉన్మిలనకాలము రాత్రి 12-22, నైఋతి మోక్షకాలము రాత్రి 1-26, ఆద్యంత పుణ్యకాల రాత్రి 03-29-24*
*ఆరంభస్నానము, సంకల్పము, తర్పణము, జపాదులు 9-57 నిలకు ప్రారంభించాలి. 12.22 దానము చేయాలి. తిరిగి 1.26 నిలకు మోక్షస్నానము ఆచరించాలి. గ్రహణవేధ ఉదయం 12.57 నుండి ఉంటుంది. ఉదయం 12.57 లోపల నిత్యవిధులు, శ్రాద్ధవిధులు ముగించాలి.*
-------------------------------------
*సూతక కాలం*
-------------------------------------- *ఆదిత్యే గ్రహణే ప్రాప్తే త్రియామం సూతకం భవేత్, చంద్రస్య గ్రహణే పూర్వం యామంద్విత్రించ సూతకం|* *ఆబ్దికం సూతకే నైవ కర్తవ్యం విధివత్ భవేత్* *( ధర్మసింధు)*
*ధర్మసింధు ప్రకారం,* *సూర్యగ్రహణ సమయంలో తొమ్మిది గంటల ముందు, చంద్రగ్రహణ సమయంలో ఆరు గంటల ముందు సూతకం గ్రహణవేధ ప్రారంభమగును. ఈ నియమం ప్రకారం సెప్టెంబర్ 7వ తేదీన వచ్చే రాహుగ్రస్త చంద్రగ్రహణానికి సూతక కాలం మధ్యాహ్నం 12.57 గంటల నుండి ప్రారంభమవుతుంది. ఈ సూతక కాలంలో దేవాలయాల్లో పూజలు చేయరు. ఆలయాల తలుపులు మూసివేస్తారు. ఎలాంటి శుభకార్యాలు, పూజలు చేయకూడదు. ఈ సమయంలో మంత్రాలు, స్తోత్రములు మొదలైనవి పఠించాలి. గ్రహణం ముగిసిన తర్వాత పూజా గదిని శుభ్రం చేసుకుని పూజలు చేయవచ్చు. పగలు 12.57 వరకు భోజన ప్రత్యాబ్ధిములు ముగించుకొనవలెను. బాలవృద్ధులు సాయంత్రం 5-00 గం||ల వరకు భోజనాదులు ముగించుకొనవలెను. గర్భిణి స్త్రీలు రాత్రి 9-30 గం||ల నుండి 1-30 గం॥ల వరకు గ్రహణవేధ పాటించవలెను. మరసటి రోజు(తేది 08-09-2025) సంప్రోక్షణ చేయవలెను.*
---------------------------------------
*ఏం దానం చేయాలి?*
*చంద్రగ్రహణం, పితృ పక్షం కారణంగా, ఈ రోజు దానం అనేక రెట్లు ఫలాలను పొందుతుంది. అందువల్ల, ఈ రోజున తెల్లని వస్తువులు వస్త్రము, బియ్యము, పాలు, పెరుగు, వెండి, ముత్యం, బంగారు ప్రతిమ దానం చేయడం చాలా ప్రయోజనకరం మరియు సుఖము.*
--------------------------------------
*ఎవరు గ్రహణ శాంతి చేసుకోవాలి*
ఈ గ్రహణం శతభిష నక్షత్రము, పూర్వాభాద్ర నక్షత్రములందు సంభవించుటవలన శతభిషం, పూర్వాభాద్ర నక్షత్ర జాతకులు కుంభరాశి, మేష, వృషభ, మిధున రాశి వారు గ్రహణం చూడరాదు.*
----------------------------------------
*యస్య త్రిజన్మ నక్షత్రే గ్రస్యతే శశి భాస్కరౌ , తజ్జాతానాం భవేత్పీడా యే జనాః శాంతి వర్జితాః*
*జన్మ సప్త అష్టరిఫాంక దశమస్థే నిశాకరే, దృష్టోరిష్టః ప్రదోరాహుః జన్మాఋక్షే నిధనేపి చ*
----------------------------------------
*పూర్వాభాద్ర, పుసర్వసు, విశాఖా నక్షత్రములవారు, కుంభరాశివారు, సింహ, కర్కాటక, మీన, మకర మరియు వృషభ రాశులవారు మరునాడు గ్రహణశాంతి చేసుకోవలయును. (ఈ గ్రహణం ప్రభావం మంచి అయినా, చెడు అయినా 6నెలలు ఉంటుంది)*
----------------------------------------
*అలాగే గ్రహణ గోచారం ప్రకారం కుంభ, వృశ్చిక, కర్కాటక, మీన రాశి వారికి కూడా గ్రహణ ప్రభావం ఉంటుంది. కావునా గ్రహణం అయిన మరుసటి రోజు అనగా సెప్టెంబర్ 8వ తేదీన ఉదయం శుచి అయిన తరువాత దగ్గర లో ఉన్న దేవాలయానికి వెళ్లి పాలు, పెరుగు, ఒక కిలోంపావు నల్ల మినుములు(ఉద్దిపప్పు) ఒక తెలుపురంగు పంచ, టవల్ లేదా జాకెట్ గుడ్డ (కొత్తది ), అలాగే ఒక కిలోంపావు బియ్యం, వెండి సర్పం, ముత్యము, స్వర్ణప్రతిమ అదేవిధముగా శక్తి కొలది దక్షిణ తాంబూలం పెట్టి బ్రాహ్మణుడికి దానం ఇవ్వవలెను. ( వెండి సర్పం ప్రతిమను కూడా దానం ఇచ్చినచో విశేషం ఫలితం ఉంటుంది. కానీ ఆర్ధిక శక్తిని దృష్టిలో ఉంచుకొని చేయండి)*
*గ్రహణ శాంతి చేసుకోనివారు*
*ఇంద్రనలో దండధరశ్ఛ ఋక్షః ప్రచేతసో వాయుకుబేర ఈశాః
*మజ్జన్మ ఋక్షే మమరాశి సంస్థే సోమోపరాగం శమయంతు సర్వే*
*అను శ్లోకాన్ని 11 సార్లు చదువుకొని అశ్వత్థ అంటే రావిచెట్టుకి ప్రదక్షిణలు చేసి నమస్కరించాలి.*
*గ్రహణ ఫలితము*
కళింగ వంగ సోవీర సౌరాష్ట్రాన్ మ్లేచ్ఛదేశజాన్ । హంతి రాహుర్నభస్యేతు యోషిద్గర్భ వినాశకృత్ ॥*
*భాద్రపద మాసములో గ్రహణము సంభవించినచో కళింగ, వంగ, సౌవీర, సౌరాష్ట్ర దేశములలో అరిష్టము కలుగును మరియు తురుష్కులకు మరియు గర్భిణులకు ఇబ్బందులు కలుగును. ఈ గ్రహణము వలన అధికారులకు, వర్తక వాణిజ్యకారులకు, నష్టము వాటిల్లును. నదీతీర ప్రాంతములయందు ఇబ్బందులు ఏర్పడుట, భయోత్పాతకములు జరుగును. అగ్నితత్వ నక్షత్రములగుటచే తినే పదార్ధముల ధరలు అధికమగును. కళాకారులకు మంచి కీర్తిప్రతిష్టలు పెరుగును.
